كثير ناس إذا قابلوا مستثمر، يبدأون يستعرضون: “فريقنا خرافي… عندنا رؤية عظيمة… بنغير السوق!” لكن بعد اللقاء؟ المستثمر طلع وما رجع. ليش؟ لأنه كان يدور شي بسيط… وإنت قدمت له كل شي إلا هو.

شاب قدّم مشروع لتطبيق توصيل فواكه نادرة. العرض حقه كان حماسي، مليء بالصور، والمصطلحات، والرؤى… بس المستثمر قال له بعد اللقاء: “كل اللي قلته حلو، بس ما شفت جواب لسؤالين: – وش الربح اللي ممكن يعود علي؟ – هل أنت فعلاً تقدر تنفذ هالشي؟”

وفعلاً، الشاب كان ما عنده لا دراسة مالية، ولا خطة تشغيل واضحة. ضاعت عليه فرصة ذهبية، لأنه ركّز على الزينة، ونسى الأساس.

الأرباح والقدرة: مفاتيح عقل المستثمر

المستثمر ما يحرص بشكل اساسي على حماسك … يحرص بشكل اساسي على حاجتين فقط:

1. هل الفكرة مربحة؟ يعني هل السوق كبير؟ فيه طلب؟ السعر مغري؟ التكلفة تحت السيطرة؟
2. هل الشخص اللي قدامي يقدر ينفّذ؟ هل فاهم السوق؟ عنده خطّة؟ فريقه قوي؟ جادّ وملتزم؟

اما باقي الميزات بالنسبه للمستثمر تعتبر اضافه وليست اساس.

كيف تقنع المستثمر؟

إذا تبي مستثمر يثق فيك، ركّز على هالخطوتين:

📌 الإقناع بالربح:

• اعرض أرقام السوق.
• اشرح نموذج الربح ببساطة.
• بيّن كيف بتضاعف الاستثمار.

📌 الإقناع بالقدرة على التنفيذ:

• اثبت له إنك فاهم كل تفصيلة في التشغيل.
• قدّم خطة واضحة: من التأسيس إلى الإطلاق إلى التوسع.
• أثبت له إنك تعرف التحديات ومستعد لها.

الخاتمة

لو مستثمر سأل: “ليش أحط فلوسي عندك؟” هل عندك جواب فعلاً… ولا بس عندك حماس؟

أنا أكتب عشان أفتح عيونك: المستثمر يشتري عقل وقيمة، مو عاطفة ووعود.

إذا عجبك المقال… أرسله للي ناوي يدخل جولة استثمارية، يمكن تنقذه قبل لا يضيع فرصته.