ليش رجع لي بعد مده مع انه هو اللي انهى العلاقه؟!
تاريخ النشر: 13/02/2026
بقلم: فهد الخياري
تمر سنه، سنه كامله بدون اتصال، بدون رساله بدون حتى شلونك وتقول لنفسك خلاص انتهى كل شي
وفجأة؟
يطلع اسمه على شاشة جوالك كأن شيء ما صار، كأن الوداع كان مجرد استراحه!! تستغرب ليش رجع؟! وش معنى الحين؟!
وحده تسال باستغراب وتقول ان طليقها أنهى زواجهم بعد تعب ومشاكل ودموع.
كان يقول: ما عاد أتحمل، هذي أسوأ فتره بحياتي
مرت الشهور، انشغل و سافر وعاش حياته وبعد سنه تقريبا رجع!!ارسل لي كيف حالك؟ وبعدها صار يسولف وكأن العلاقه كانت عاديه وكأنه ماسوا شياستغربت.
قلت له: مو أنت كنت تقول إنك مو مرتاح بزواجنا؟
قال: مدري يمكن اني كبرت الأمور وقتها والحين انا نضجت اكثر
الذاكره تُجمل الماضي وتدفن سبب الفراق
العقل ما يحتفظ بالألم مثل ما يحتفظ باللحظات الحلوه. الألم حاد يحرق وقت حدوثه لكن مع الوقت الدماغ يخفف حدته عشان يقدر يكمل الحياه
اما الذكريات الحلوه يرجع يعيد عرضها، يلمعها ويحذف منها كل المشاهد السيئه
بعد سنه، اللي بقى في رأسه مو:
– بكاء
– خلافات
– ضغط
– قلق
اللي بقى:
– الضحكه
– أول ايام الزواج
– كلمة أشتقت لك
– الشعور بالأمان وقتها
العقل حذف الألم واحتفظ بالحنين فيرجع مو لانه نسي ليش انتهت
بل لانه ما عاد “يحس” بالألم اللي خلاها تنتهي.
لما يرجع يكون راجع بذكرياته الحلوه ويتوقع ان الطرف الاخر بيكون مبسووط من رجعته
جرب هذا التمرين الآن
الخاتمه
مثل ما ان الحياه فيها فرص، عودة الشخص لك بعد غياب هي ايضا فرصه لترميم العلاقه السابقه.
انا اكتب عشان تفهم ان الرجوع بعد غياب طويل أحيانا ما يكون حب جديد وانما يكون ذاكره اختارت تنسى الألم وتحتفظ بالحنين.
إذا حسيت الكلام لمس موقف عشته ارسله ولا تحتفظ فيه، يمكن يفتح عين شخص جالس يفسر الرجوع غلط